قلوب الشكولة بالكاوكاو والجلجلانية سهلة واقتصادية

قلوب الشكولة بالكاوكاو والجلجلانية سهلة واقتصادية

من طرف houcine  |  نشر في :  1:42 م 0

قلوب الشوكولة هي حلوة اقتصادية وذات بنة رائعة ، يمكن عرضها في الأفراح والمناسبات ويمكن صنع كمية كبيرة منها 

حلوى قلوب الشكولة

المقادير:
   نصف كاس سكر رطب
   250غرام كاوكاو محمص ومرحي رقيق
   250غرام زبدة
   فرينة
   2 صفار بيض فقط
   250غرام جلجلانية محمصة
   ثلاث ملاعق كبيرة كاكاو
   خميرة كيميائية

الكريمة:
   كمية من السكر الرطب او العسل
   100غرام زبدة 
   ملعقة كبيرة كاكاو

التزيين:
شكولة +عجينة اللوز الاصطناعية

طريقة التحضير:
    نحرك الزبدة مع السكر الرطب جيدا باستعمال الخلاط الكهربائي ،نضيف صفار البيض ونستمر في التحريك ثم نضيف الكاوكاو والجلجلانية والخميرة ونشيح بالفرينة

    نبسط العجينة بالحلال ولازم تكون رقيقة لان فيها الخميرة ونشكلها بطابع على شكل قلب أو اي طابع تريدون استعماله
ندخلها للفرن ثم نخرجها ونتركها تبرد.

    في هذا الوقت نحضر الكريمة
بالنسبة للزبدة انا استعملت ستار في هذا الكريمة وممكن نستعمل فلوريال
نخلط الزبدة مع الكاكاو بالباتور ونضيف تدريجيا السكر الرطب او العسل حسب الذوق
بعدها نلصق الحلوى كل زوج حبات بالكريمة يلزم تكون كمية الكريمة مليحة لانها تعطي بنة للحلوى
من جهة نذوب الشكولة على حمام مائي ونضيفلها كمية قليلة من الحليب

    نغطسها الحلوى من فوق في الشكولة ونحطها فوق مشبك حتى تجف
في هذا الوقت ناخذ كمية من عجينة اللوز الاصطناعية نضيفلها شوية نشاء وشوية لوز مرحي غبرة والسر في اللوز ان عجينة اللوز تبقى طرية مهما طالت المدة من تحضيرنا للحلوى
نضيف كمية من الملون الابيض لعجينة اللوز ونشكل وردات كبار شوية
ونضيف كمية من الكاكاو ابقية العجينة ونشكل وردات صغار

شكل الطابع المستعمل

نضع الوردة البنية داخل البيضاء ونحط داخلها عقاش فضي
نلصق الوردات فوق الحلوى ونزين بخطوط من الشكولة البيضاء والملمع الفضي 

الشكل النهائي